U festua me madhështi e kremtja e madhe e “Shën Nikollës” në kishën e qytetit të Kavajës që mban emrin e këtij Kryebariu dhe Ati të madh të Kishës sonë të Shenjtë.

Liturgjia Hyjnore u drejtua nga Episkopi i Bylisit Hirësi Asti i ndihmuar nga kleriku i famullisë At Joan Tereziu, si edhe klerikët e ardhur nga Tirana At Grigor Pelushi, dhiakon Kristi Xhaferri dhe koordinatori i Zyres Rinore Jani Meni.

Në fund të Liturgjisë Hyjnore u krye edhe Litania e Ikonës ku i gjithë populli i pranishëm në Meshën Hyjnore ndoqën proçesionin përreth Kishës duke ndjekur pas Episkopin e tyre.

Më pas vijuan urimet dhe pritja me rastin e Festës.